හලාල් හා හරාමි short explanation in sinhala

இப்லீஸை தேடி…

oru thuli kadal documentary film

பெண்=முரண்

தீயை மூட்டவும்
ஊதுகிறாய்..!

தீயை அணைக்கவும்
ஊதுகிறாய்..!

எப்படி
ஒரே காற்றால்
முரண் செயல்
செய்கிறாய்..?



நான்
ஏற்றுக் கொள்கிறேன்
நீ விசித்திரமானவள் தான்.

இஸ்பஹான் சாப்தீன்.
 

நினைவு

ஒரு பின் மாலைப் பொழுது...
மரங்களின் நடுவே மண்பாதை...
மேனி தழுவும் மென் காற்று...
தூரத்துப் பனிச்சாரல்...
மங்களாய் ஒரு பெட்டிக் கடை...
எங்கோ கசியும் மெல்லிசை...
மலையோர மண்வாசம்...
தனியாய் நடக்கிறேன்...
நினைவுகளோடு நான்!

இஸ்பஹான் சாப்தீன்.

பதவி

குழப்படியான
பையனை
வகுப்புத் தலைவனாக்கி
அடக்கி வைக்கும்
யுக்தியை
எங்கேயடி கற்றாய்..?

'காதலன்'
பதவி தந்து
என்னை
அடக்கிவிட்டாயே!

இஸ்பஹான் சாப்தீன்.2012.06.03

காதலுக்காக...!

காதல்...!
கடும் சூராவளியின்
பின் வரும்
மெல்லிய அமைதி!


உன்னோடு
சண்டையிட்டுப் பிரிந்து
சில கணங்களில்
அது வருகிறது!


வா சண்டையிடுவோம்
காதலுக்காக...!

கவிஞர் இஸ்பஹான் சாப்தீன்
2012.06.03

காதலன்.

உன் தலைகோதி
விடைபெறத் திரும்புகையில்
மீண்டும் என் கைபற்றி
பூமி பார்த்து மௌனிப்பாயே..!
அத் தருணங்களில்...

அன்பே..
நான் புதுக் காதலனாக
மாறி விடுகிறேன்.

கண்கள்

உன் கண்கள்
என்ன மழை முகிழா?
மின்னல் வெட்டி விட்டு
மழையும் பெய்கிறது.

ஒரு வர்த்தி ஒளி,

ஒரு வர்த்தி ஒளி,
ஒரு மூக்குக் கண்ணாடி,
ஒரு பேனை,
ஒரு வெள்ளைக் காகிதம்,
நிசப்தமான அறை,
யன்னலோர சாய்வு நாற்காலி,
ஏகாந்தப் பெருவெளி,
இருள் கப்பிய வானம்,
மிருகக் கண்களாய் நட்சஸ்திரம்,
அணைக்கத் துடித்தபடி
உன் நினைவுகள்.
இது என் அழகிய 'கவிதை'!



கனவே என் காதலி

விடுதியில்
அதிகம் தூங்குபவன் நான்.

நண்பன் ஏசிக்கொண்டே இருப்பான்.
அவனுக்குத் தெரியாது
என் காதலி
கனவென்று.

நீ என் கவிதை

நீ புரியாத புதிர்
இருப்பினும்
முடிந்தளவு
என் கவிதைகளை
இலகுபடுத்துகிறேன்.

நீ தான்..!

என் இடிந்த
எண்ணக் கோட்டை

உன் பேனை செதுக்கிய
ஒரு தாள் வெட்டு

உன் மனம் திறந்த
ஒரு ஓலைச் சுவடி

உன்னாலான சில
சில்லறை நினைவுகள்

புதையுண்ட சின்னச்
சின்னக் கனவுகள்

என் இதய தேசத்தின்
பூர்வீகக் குடி
நீ தான் என்பதை
நீருபித்துவிட்டது சகியே..!

காலை காட்சி.

இரவுடையில் நீ
சோம்பல்
முறிப்பதைக் காணவே
அலாரம் வைத்து
விழிக்கிறேன்
அதிகாலையில்...

உன் நினைவு

எனக்கு
டயரி எழுத
முடியவில்லை,
நேரம் தெரியாமல்
வருகிறது

உன் நினைவு